当前您在:主页 > C生活坊 >[分享] 陈豪食中药补身:想追个女
[分享] 陈豪食中药补身:想追个女
作者: 热度:330℃

http://hk.on.cc/hk/bkn/cnt/entertainment/20140626/bkn-20140626134640693-0626_00862_001.html

【on.cc东网专讯】 艺人陈豪以御药堂品牌形象大使身份现身中文大学,出席《「中大中药传承」「中医药导赏团」暨品牌形象大使签约》活动,大会播出陈豪一人分饰两个「陈豪」嘅 广告片,其中更有「女人杀手?退咗休啦!」嘅对白,陈豪话:「我都好锺意广告概念,啲对白都好切合我,(对白提到嘅「伤口」係指咩?)已经被中医医好咗 啦!」
佢又自爆同中药甚有渊源,佢话:「大家未必知道,其实我爸爸係西医,我妈妈係中医,我细个都有跟过妈咪啲师傅做暑期工,拔火罐、艾灸,我都OK㗎,强项係医瞓『厉』颈!(点解唔行医?)我都唔知点解。」
陈 豪提到老婆陈茵媺因抱乖仔梓烨,导致左手出现筋膜炎,佢话:「呢个係喺妈妈身上好普遍见到嘅问题,(有冇为老婆以中医方法治疗?)其实乜都做过,令问题唔 好恶化,好难叫佢减少抱BB,始终係自己凑,佢都放唔低啦!我有帮手,但呢个係无可奈何嘅问题,佢已经戴咗嘢固定手腕,so far情况几好,我就帮佢有限度嘅指压。(茵媺怕咗唔敢再生?)唔会,呢啲係母亲必经阶段,唔係咩新奇病,点样用正确姿势同力度先值得大家留意。」
陈豪坦言想再做爸爸,佢话:「我想追个女,咁就完美,父母亲要尽责任,唔好令仔女咁孤单。我希望係咁啦!不过畀佢放吓假先,小朋友仲细!」
陈豪又话:「啲产品我会试食,因为我深信中医,少化学作用,调理身体好有帮助!Aimee(陈茵媺)都有以中医调理身体,中西互补。」
[分享] 陈豪食中药补身:想追个女

上一篇: 下一篇:
猜你喜欢
热门排行
最新文章